Գնային քաղաքականություն

Մարքեթինգի տեսանկյունից ապրանքի գինն ապրանքի սպառողական արժեքի գնահատումն է՝ այն արտադրողների և փոխանակում իրականացնողների կողմից: Այս տեսանկյունից կարելի է դիտարկել երեք իրավիճակ.

I. Ապրանքի գինը կապված է ապրանքի սպառողական արժեքի հետ: Այն հիմք է ընդունում ապրանքի որակական չափանիշները, այլ ոչ թե ապրանքի արտադրության վրա ծախսված գումարը:

II. Ապրանքի գինը կապվում է արտադրողների և վաճառողների, այլ ոչ թե սպառողների պատկերացումների և գնահատականների հետ: Իսկ սպառողները, գնումների որոշումներ կայացնելով, հիմնվում են ապրանքների սպառողկան արժեքի սեփական պատկերացումների վրա: Այդ դեպքում վերին սահմանն առաջարկի գինը չպետք է գերազանցի: Միևնույն ժամանակ գնի վերին մակարդակի սահմանումը կախված է բազմաթիվ գործոններից, որոնք հնարավոր է՝ հայտնի չլինեն արտադրողին և վաճառողին:

III. Ապրանքի գինը կախված է սպառողի և արտադրողի միջև ընկած ճանապարհից: Ինչքան շատ են միջնորդ օղակները, այնքան ապրանքի գինը բարձր կլինի:

Ընդհանուր առմամբ՝ ապրանքի գնի սահմանման անհրաժեշտություն է առաջանում երկու դեպքում` նոր ապրանքի թողարկման և նոր շուկա մուտք գործելու դեպքում: Գնի սահմանման համար հիմք կարող են ծառայել.

1. Արտադրական ծախսերը՝ ավելացված ակնկալվող շահույթը

2. առաջարկի և պահանջարկի ուսումնասիրությունը

3. շուկայական մրցակցությունը

Կազմակերպության գնային քաղաքականություն

Գնային քաղաքականության ընտրությունը չպետք է բխի տվյալ պահին կազմակերպության շահերից, այլ նրա ռազմավարական նպատակներից: Ռազմավարական նպատակներից կարող են լինել նոր շուկաների գրավումը կամ հին շուկայի ծավալների ընդլայնումը, պահանջարկի կայունացումը նոր գրաված շուկաներում, առավելագույն շահույթ ստանալը ժամանակի որոշակի հատվածում: Օրինակ` HP ընկերության մարքեթոլոգները մի հետաքրքիր մեթոդ էին գտել` վաճառքներն ավելացնելու համար, քանի որ շեշտը դրեցին գնի վրա, այսինքն՝ մեկը շատ էժան, մյուսը շատ թանկ: Պրինտերի գինը սահմանեցին ինքնարժեքից մի քիչ բարձր, որը շատ էժան էր մարդկանց համար: Ուստի դա բոլորին հնարավորություն կտար տանն ունենալ պրինտեր: Դե եթե մարդիկ պրինտեր ունենային, առանց թանաք միև- նույն է՝ չեն օգտվելու և ստիպված պետք է թանաք գնեին: Իսկ ահա թա- նաքի գինը դրվեց համեմատաբար բարձր, որը ծածկում էր պրինտերի էժանությունը: Դրան գումարած՝ անընդհատ գնվում էր, ինչն էլ ընկերությանն ապահովում էր զգալի եկամուտ։